خۆشەویستی خودناسی

بەهێیە بارام

---

گرینگیەکی تری ناسینی خود بریتیە لە خۆشەویستی بۆ خۆت. واتا مرۆڤ کاتێک ئاشنا دەبێت بە خودی خۆی، خۆی خۆشدەوێت و هەستی خۆ بەکەم زانینی بەرامبەر بەخۆی نییە، جونکە خۆی خۆشدەوێت، ئەو کەسانەی خۆیان خۆشدەوێت ئەگەر لە ژینگە کۆمەڵایەتیەکەی تووشی خۆشەویستی ڕەگەزی بەرامبەر بوو  لە دڵەڕاوکێ و نائارامی ناژی، جونکە وا بیرناکاتەوە گەر ئەو کەسەی خۆشی دەوێت بەجێیبێڵێت ئەم تووشی شکست و ڕوخان دەبێتەوە، بە پێچەوانەی ئەوەی کە لەئەمڕۆدا بەداخەوە دەیبینین کاتێک دوو ڕەگەز دەکەونە پەیوەندی خۆشەویستی بەوازهێنانی یەکێکیان ئەویتر زۆر دەروخێت، جونکە هەموو هەستی خۆشەویستی بۆ ئەو بووە و هیچ خۆشەویستیەکی بۆ خودی خۆی نەبووە. بەڵام ئەگەر مرۆڤ ژیر بێت و خودی خۆی خۆشبوێت ئەوکات دەزانێت ئەو شایەنی خۆشەویستی و ڕێزی زیاترە، و شایەنی کەسێکی باشترە. لە دوای دابڕان زۆر دان بەخۆداگرە و توانای ڕووبەروبوونەوەی هەیە و دەتوانێت بەرامبەر ئەوکەسەی بە جێیهێشتووە بەرگری لەخۆی بکات. هەروەها ئەو کەسانەی خۆناسینیان نیە لەو کاتەی لەم پەیوەندیەدان بەردەوام لە خەم و دڵەڕاوکێ و خەمۆکیدا دەژین، جونکە دەترسن ڕۆژێک بێت لێک دابڕێن، لە کاتێکدا زۆر گرینگە بۆ داهاتووی هەموو تاکێک کە لەپەیوەندی خۆشەویستیدا هەست بە ئارامی بکات.

 گرینگیەکی تری خۆناسین بۆ ئەرێنی بوونی مرۆڤ:

واتا کاتێک کەسێک خۆی خۆشدەوێت وا بیرناکاتەوە ئەگەر بە فڵانە ئامانج نەگات، یاخود نەگاتە فڵانە کەس و فڵانە شت و…. هتد ئەوا کەسێکی بێ توانا و بێ هێزە، نەخێر کەسێک کە خودی خۆی بناسێت و هەمیشە خاڵە بەهێزەکانی خۆی دەناسێت و هەمیشە خۆی بە شایەنی باشترین دەزانێت. بیرکردنەوەی ئەرێنی دەبێت بەرامبەر بەخۆی، مرۆڤ بەوشێوەیە لە خۆی دەڕوانێت کە بیری لێدەکاتەوە، ئەو مرۆڤە لە مێشکی خۆی وای بیرکردوەتەوە کە کەسێکی بەهێزە و بەتوانایە و شایەنی باشترینە، ئەمەش خۆناسینە و وا لە مرۆڤ دەکات ئەرێنی بێت بەرامبەر خۆی و بارودۆخەکانی ژیانی چۆک داناناو بەردەوام بڵێ من شایەنی باشترینم.

Images: https://pixabay.com/fr/

vinsky2002

geralt

sasint