transcultures ترانسكولتوور
بەیان سەلمان
٨ی ئازار، ڕۆژێکی پڕ لە لێبوردن و ڕووناکییە، ڕێزلێنانێکە بۆ ئەو ژنانەی بێدەنگ کراون، تواناکانیان خەفە کراوە و هەوڵ دەدرێ لە هێزیان بخەن. بۆ هەموو ئەو ژنانەیە کە لە بەرەی شەڕ وەستاون، بۆ ئەو دایکانەیە کە ژیانیان بۆ پەروەردەی منداڵێکی ئاییندە تەرخان دەکەن تا مرۆڤێکی بێ خەوشی لێ دروست بێت، بۆ ژنانی هونەرمەندە کە لە بەردەم تابلۆیەکدا دیمەنی خەونەکانیان دەکێشن، بۆ هەر ژنێکی بەهرەمەندە کە وزەی بۆ خزمەتی مرۆڤایەتی دەبەخشێت. بۆ هەموو ئەو ژن و پیاوانەیە کە بە کردارەکانیان، بە قسەکانیان، بە نێوەندی خەونەکانیان، جیهانی سبەینێ دادەرێژنەوە. ئەم ڕۆژە بانگهێشتێکە بۆ ئەو خۆڕاگرییەی ژن کە زۆرجار لە سێبەردا تێدەکۆشێت.
لەم ڕۆژەدا دەنگی ژنان بەرز دەبێتەوە، دەنگدانەوەی خەباتەکانی ڕابردوویان و هیواکانی داهاتوویان هەڵگرتووە. دەنگ هەڵبڕینە بۆ یەکسانی و ئازادی، لە دوورترین گوندەوە بۆ گەورەترین شار.
ئەم ٨ی ئازارە تەنیا بەروارێکی سادە نییە! هەناسەیەکی ڕزگاریخوازییە، هەناسەیەکی هیوایە بۆ ئەوانەی کە تا ئەمڕۆش خەبات بۆ پێگەی خۆیان دەکەن و بۆ گۆڕینی هەر ساتێکی تاریکی بۆ دەرچوون بۆ ڕووناکی.
٨ی ئازار لەوە زۆر زیاترە کە ڕۆژێکی دیاریکراو بێت، پتر هێمایەکە، پاڵنەرێکە کە مرۆڤ بە ژن و پیاوەوە یەکدەخات تا ئاستەنگەکان تێپەڕێنن و بوێرانە دروشمی ”ژن ژیان ئازادی” بەرزکەنەوە.
